ઢોકळा

Ingredients

• 1 કપ (આશરે 100 ગ્રામ) ચણાનો લોટ
• ½ કપ દહીં
• 1 ચમચી આદુ-મરચાની પેસ્ટ
• ¼ ચમચી હળદર
• 1 ચમચી ખાંડ
• સ્વાદાનુસાર મીઠું
• જરૂર મુજબ (લગભગ ¼ કપ) પાણી
• ½ ચમચી ઈનો (ફ્રુટ સોલ્ટ)
• 1 ચમચી (વઘાર માટે) તેલ
• ½ ચમચી (વઘાર માટે) રાઈ
• ¼ ચમચી (વઘાર માટે) જીરું
• 5-6 પાન (વઘાર માટે) લીમડો
• 1-2, ચીરેલા (વઘાર માટે) લીલા મરચા
• ½ ચમચી (વઘાર માટે) તલ
• સમારેલી (ગાર્નિશ માટે) કોથમીર
• 2 ચમચી (વઘારમાં ઉમેરવા) પાણી

Method

1. 1

   એક મોટા બાઉલમાં ચણાનો લોટ, દહીં, આદુ-મરચાની પેસ્ટ, હળદર, ખાંડ અને મીઠું લો.

2. 2

   ધીમે ધીમે પાણી ઉમેરતા જાઓ અને ગાંઠ ન રહે તે રીતે ઘટ્ટ અને મુલાયમ ખીરું તૈયાર કરો. ખીરું ન બહુ પાતળું હોવું જોઈએ કે ન બહુ ઘટ્ટ.

3. 3

   ઢોકળા બનાવવાની થાળીને તેલથી ગ્રીસ કરીને તૈયાર રાખો. સ્ટીમરને ગરમ કરવા મૂકો.

4. 4

   હવે, ખીરામાં ઈનો ઉમેરો અને તેના પર 1 ચમચી પાણી રેડો, જેથી તે સક્રિય થાય. ઈનો ઉમેર્યા પછી ખીરાને એક જ દિશામાં હળવા હાથે ઝડપથી મિક્સ કરો, તેને વધુ પડતું મિક્સ કરવાનું ટાળો.

5. 5

   તુરંત જ, આ ખીરાને ગ્રીસ કરેલી થાળીમાં પાથરી દો.

6. 6

   થાળીને ગરમ સ્ટીમરમાં મૂકો અને 10-12 મિનિટ સુધી મધ્યમ તાપે સ્ટીમ કરો (ઢોકળાની જાડાઈ અને સ્ટીમરના આધારે સમય બદલાઈ શકે છે).

7. 7

   ઢોકળા ચડ્યા છે કે નહીં તે ચકાસવા માટે, ચપ્પુ અથવા ટૂથપીક નાખી જુઓ. જો તે સાફ બહાર આવે તો ઢોકળા તૈયાર છે.

8. 8

   ઢોકળાને ઠંડા થવા દો, પછી તેને ચોરસ ટુકડામાં કાપી લો.

9. 9

   એક નાના વઘારીયામાં તેલ ગરમ કરો. તેમાં રાઈ, જીરું અને તલ ઉમેરો. રાઈ ફૂટવા માંડે એટલે લીમડો અને ચીરેલા લીલા મરચા ઉમેરો.

10. 10

    હવે આ વઘારમાં 2 ચમચી પાણી ઉમેરો અને તરત જ ગેસ બંધ કરી દો.

11. 11

    આ ગરમ વઘારને કાપેલા ઢોકળા પર સરખી રીતે રેડી દો.

12. 12

    તાજી સમારેલી કોથમીરથી ગાર્નિશ કરીને લીલી ચટણી અથવા ટોમેટો કેચઅપ સાથે ગરમાગરમ પીરસો.