ઢોકળાં

Ingredients

• 125 ગ્રામ (1 કપ) ચણાનો લોટ
• 60 મિલી (1/4 કપ) દહીં
• 60 મિલી (1/4 કપ) + જરૂરિયાત મુજબ પાણી
• 1 ચમચી આદું-મરચાંની પેસ્ટ
• 1/4 ચમચી હળદર
• સ્વાદાનુસાર મીઠું
• 1/2 ચમચી ખાંડ
• 1/2 ચમચી ઈનો ફ્રૂટ સોલ્ટ
• 1 ચમચી તેલ (વઘાર માટે)
• 1/2 ચમચી રાઈ
• 1/4 ચમચી જીરું
• 5-6 પાન લીમડો
• 1-2 લીલા મરચાં (વઘાર માટે), ઉભા ચીરેલા
• 2 ચમચી પાણી (વઘાર માટે)
• 1 ટેબલસ્પૂન કોથમીર (સજાવટ માટે), ઝીણી સમારેલી
• 1 ટેબલસ્પૂન તાજા નારિયેળનું છીણ (સજાવટ માટે)

Method

1. 1

   એક મોટા વાસણમાં ચણાનો લોટ, દહીં, પાણી, આદું-મરચાંની પેસ્ટ, હળદર, મીઠું અને ખાંડ ભેગા કરી લો. ગાંગડા વગરનું એકસરખું ખીરું તૈયાર કરો. ખીરું ન બહુ ઘટ્ટ કે ન બહુ પાતળું હોવું જોઈએ.

2. 2

   ખીરાને 10-15 મિનિટ માટે ઢાંકીને રાખી દો. (જો સમય હોય તો આખી રાત આથવા માટે પણ રાખી શકાય, પણ ઈનો વાપરવાના હોય તો જરૂર નથી).

3. 3

   ઢોકળાં બનાવવાના વાસણમાં પાણી ગરમ કરવા મૂકો અને થાળીને તેલ લગાવી ગ્રીસ કરી લો.

4. 4

   જ્યારે પાણી ઉકળવા માંડે, ત્યારે ખીરામાં ઈનો ફ્રૂટ સોલ્ટ ઉમેરી, તેના પર 1 ચમચી પાણી રેડી, હળવા હાથે એક જ દિશામાં ઝડપથી મિક્સ કરો. ખીરું ફૂલીને હલકું થઈ જશે.

5. 5

   તરત જ ખીરાને ગ્રીસ કરેલી થાળીમાં રેડી દો અને ગરમ પાણીવાળા ઢોકળાંના વાસણમાં મૂકી દો.

6. 6

   ઢોકળાંને ઢાંકણ ઢાંકીને મધ્યમ તાપ પર 8-10 મિનિટ માટે વરાળથી પકાવો. ચમચી કે ચપ્પુ વડે ચેક કરો કે વચ્ચેથી કાચું તો નથી ને. જો સ્વચ્છ બહાર આવે તો થઈ ગયા છે.

7. 7

   ઢોકળાંને વાસણમાંથી બહાર કાઢી થોડું ઠંડું થવા દો, પછી તેના ટુકડા કરી લો.

8. 8

   વઘાર માટે, એક નાના પેનમાં તેલ ગરમ કરો. રાઈ ઉમેરો, તે તતડે એટલે જીરું, લીમડો અને લીલા મરચાં ઉમેરો. થોડું સાંતળી લો.

9. 9

   પેનમાં 2 ચમચી પાણી ઉમેરી એક ઉકાળો લાવો. આ વઘારને ઢોકળાંના ટુકડા પર રેડો.

10. 10

    કોથમીર અને નારિયેળના છીણથી સજાવી, ગરમ ગરમ સર્વ કરો.