ઢોકળા

Ingredients

• 1 કપ (120 ગ્રામ) બેસન (ચણાનો લોટ)
• ½ કપ (120 મિલી) દહીં
• 1 ચમચી આદુ-મરચાની પેસ્ટ
• ¼ ચમચી હળદર પાવડર
• ¾ ચમચી (સ્વાદ મુજબ) મીઠું
• 1 ચમચી ખાંડ
• ¾ કપ (180 મિલી) પાણી
• 1 ચમચી ઈનો ફ્રુટ સોલ્ટ (લીંબુ ફ્લેવર)
• ½ ચમચી તેલ (ઢોકળાની થાળી ગ્રીસ કરવા માટે)
• 2 ચમચી તેલ (વઘાર માટે)
• ½ ચમચી રાઈ
• ¼ ચમચી જીરું
• ચપટી હિંગ
• 5-6 લીમડાના પાન
• 2 લીલા મરચાં (વચ્ચેથી ચીરેલા)
• 2 ચમચી પાણી (વઘાર માટે)
• 1 ચમચી (સજાવટ માટે) છીણેલું નાળિયેર
• 1 ચમચી (સજાવટ માટે) કોથમીર (ઝીણી સમારેલી)

Method

1. 1

   એક મોટા બાઉલમાં ચણાનો લોટ, દહીં, આદુ-મરચાની પેસ્ટ, હળદર, મીઠું અને ખાંડ લો.

2. 2

   ધીમે ધીમે પાણી ઉમેરતા જઈને ગાંઠા વગરનું ઘટ્ટ ખીરું તૈયાર કરો. ખીરું ન તો બહુ ઘટ્ટ હોવું જોઈ અને ન તો બહુ પાતળું. તેને 10 મિનિટ માટે ઢાંકીને રાખો.

3. 3

   ઢોકળીયામાં પાણી ગરમ કરવા મૂકો અને ઢોકળાની થાળીને તેલ લગાડીને ગ્રીસ કરી લો.

4. 4

   ખીરામાં ઈનો ઉમેરીને હળવા હાથે એક જ દિશામાં મિક્સ કરો. ખીરું ફૂલી જશે. તરત જ ગ્રીસ કરેલી થાળીમાં ખીરું રેડી દો.

5. 5

   ઢોકળીયામાં થાળી મૂકીને ઢાંકણ ઢાંકી દો અને મધ્યમ તાપે 12-15 મિનિટ સુધી બાફો.

6. 6

   ચાકુ કે ટૂથપિક વડે ચેક કરો. જો તે સાફ બહાર આવે તો ઢોકળા બફાઈ ગયા છે. ગેસ બંધ કરીને ઢોકળાને ઠંડા થવા દો.

7. 7

   ઠંડા થયા પછી ઢોકળાને ચોરસ ટુકડામાં કાપી લો.

8. 8

   એક નાના વઘારીયામાં તેલ ગરમ કરો. રાઈ, જીરું, હિંગ, લીમડાના પાન અને લીલા મરચાં ઉમેરીને તતડાવો.

9. 9

   વઘારમાં 2 ચમચી પાણી ઉમેરીને બરાબર મિક્સ કરો અને તરત જ ગેસ બંધ કરી દો.

10. 10

    તૈયાર કરેલા વઘારને ઢોકળા પર સમાન રીતે રેડી દો.

11. 11

    છીણેલા નાળિયેર અને ઝીણી સમારેલી કોથમીરથી સજાવીને ગરમાગરમ સર્વ કરો.